Lëtz'Aix

Études

Alles wat Dir wësse musst, ier Dir op Aix kommt.

Guiden

Eise Guide fir zukünfteg Aixer Studenten, an aner nëtzlech Guiden fir d’Studien am Ausland.

Letz’Aix

Le Futur Aixois

Eise Guide fir zukünfteg Studenten zu Aix: Uni, Wunneng, Transport, Alldag an all eis Tipps an engem Dokument.

PDF · 4.9 MB · Versioun 2026/27

Ukucken

Aner Guiden

ACELDe Studenteguide

Alles fir d’Studien am Ausland, vun der ACEL.

studenteguide.lu
Opmaachen
ACELGuide AideFi

D’Studiebäihëllef vum Lëtzebuerger Staat erkläert.

acel.lu
Opmaachen
Ville d’AixGuide de l’étudiant (Stad Aix)

De Guide vun der Stad Aix-en-Provence fir Studenten.

aixenprovence.fr
Opmaachen
Campus FranceFiche Aix-en-Provence

Praktesch Infoen iwwer Aix: Wunneng, Transport, Gesondheet, Kultur.

ressources.campusfrance.org · Versioun 07/2026
Opmaachen

All Dokumenter & nëtzlech Linken →

Är éischt Schrëtt zu Aix

D’Paperassen an der richteger Reiefolleg. Mir hëllefen iech bei all Schrëtt.

  1. Mäerz – JuniAschreiwung op der UniIwwer Parcoursup (1. Joer) oder direkt bei der Fakultéit. Passt op d’Fristen op.
  2. Mee – AugustWunneng fannenFréi ufänken. Eng Wunnengsversécherung ass obligatoresch, a vill Proprietäre froen e Garant (gratis: Visale).
  3. Virun der AschreiwungCVEC bezuelenDen Ofgab-Certificat vun der CVEC gëtt fir d’Aschreiwung op der Uni gebraucht.
  4. Beim ArrivéierenAschreiwung validéierenOp der Scolarité vun ärer Fakultéit d’Aschreiwung ofschléissen. Dir kritt de Certificat de scolarité.
  5. Mam Certificat de scolaritéAide financièreD’Studiebäihëllef vum Lëtzebuerger Staat ufroen. Alles erkläert am Guide AideFi vun der ACEL.
  6. SeptemberBankkont, CAF & Member ginn(Optionnel: Franséische Kont fir Loyer), CAF, d’Wunnengsbäihëllef direkt ufroen, a bei eis Member ginn.

Unien a Schoulen

Aix-en-Provence ass zanter 1409 eng Studentestad, wéi de Louis II d’Université d’Aix gegrënnt huet. Haut fënnt een hei virun allem Droit, Economie, Sproochen a Sciences humaines.

Wat wëlls de studéieren?

Wiel e Beräich: de Link bréngt dech direkt bei d’Schoul.

Droit a Politik

Economie, Gestioun, Commerce

Psychologie a Sciences humaines

Sproochen a Lettres

Sciences an Informatik

Ingenieurswiesen

Konscht

Theologie

Parcoursup

Faculté des arts, lettres, langues et sciences humaines (ALLSH)

De grousse Campus fir d’Sciences humaines, op der Avenue Robert Schuman.

  • Psychologie
  • Erzéiungswëssenschaften
  • Philosophie
  • Geschicht
  • Geographie
  • Soziologie
  • Anthropologie
  • Sproochen (LLCER, LEA)
  • Lettres
  • Arts plastiques
Offiziell Säit
Parcoursup

Faculté de droit et de science politique

Droit, Politikwëssenschaften, ëffentlech Verwaltung. D’Licence en droit gëtt et och als L.AS (Zougang zu de Gesondheetsstudien).

Offiziell Säit
Parcoursup

Faculté d’économie et de gestion (FEG)

Economie, Gestioun, MIASHS (ugewandte Mathematik an Informatik), Informatik.

Offiziell Säit
Parcoursup

Faculté des sciences, site de Montperrin

Chimie, Physik, Informatik, Biologie, Geowëssenschaften.

Offiziell Säit
Parcoursup

IUT d’Aix-Marseille

BUT an 3 Joer, ganz praxisno: Gestioun, Commerce, Informatik, Mechanik, Logistik, sozial Beruffer.

Offiziell Säit
Parcoursup

Institut de management public (IMPGT)

Public Management an d’Verwaltung vu Gemengen a Regiounen.

Offiziell Säit
Concours

Sciences Po Aix

Politikwëssenschaften, international Relatiounen, Droit, Economie. Diplom an 5 Joer.

Offiziell Säit
Concours

Arts et Métiers, campus d’Aix-en-Provence

Ingenieursschoul: Mechanik, Elektrotechnik, Bauingenieurwiesen. Meeschtens no enger Prépa.

Offiziell Säit
Concours

École supérieure d’art d’Aix-en-Provence

Zäitgenëssesch Konscht: DNA (Bac+3) an DNSEP (Bac+5).

Offiziell Säit
Privat

ESSCA Aix-en-Provence

Commerce a Management: Bachelor in International Management (Bac+3), Programme Grande École (Bac+5).

Offiziell Säit
Gesondheetsstudien (PASS)
Faculté des sciences médicales et paramédicales, La TimoneVun Aix aus geet et och iwwer eng L.AS an Droit oder Psychologie.
Mathematik
Faculté des sciences, Marseille
Sport (STAPS)
Faculté des sciences du sport, Luminy

Gutt ze wëssen

Studentevirdeeler, déi vill Leit net kennen.

Iessen fir 1 €

An de Restaurants universitaires vum CROUS kascht e Repas 1 €, fir all Studenten.

Pacte’AMU

Mat der Studentekaart vun der AMU: Reduktiounen op Spectacler a gratis Muséeën zu Aix a Marseille.

Sport gratis

Den Universitéitssport (SUAPS) ass gratis. Zu Aix ginn et ausserdeem ronn 300 Sportveräiner.

Bus-Abo fir Studenten

De Reseau Aix en Bus huet e reduzéierte Joresabo fir Studenten.

Gratis Dokter op der Uni

De Service de santé étudiante (Le Cube, Campus Schuman) mécht gratis Konsultatiounen.

Compass-Kaart

App fir all ënner 26 Joer: iwwer 200 Reduktiounen an Restauranten, Baren a Kinoen zu Aix a Marseille (ab 19,99 €/Joer). carte-compass.fr

Carte ZOU

Reduktiounen op den TER-Zich an der Regioun: Marseille, d’Mier, Avignon …

Le Repère de l’Étudiant

De Studentebüro vun der Stad: Infoen, Evenementer a Wunnengsannoncen. 37bis bd Aristide Briand.

Wunneng fannen

Déi meescht Lëtzebuerger wunnen am Centre Ville Historique: alles ass zu Fouss ze erreechen, och d’Uni.

Wou?

Quartiers les Thermes-Cordeliers, Comtale & Cours Mirabeau, Mazarin-Opéra-Bellegarde-Mairie an Tanneurs.

Wéi vill?

Vun ongeféier 600 € (27 m² T1 meublé) bis 1500 € (100 m² T4). D’Colocatioun ass am gënschtegsten.

Wunnengsversécherung obligatoresch · gratis Garant iwwer Visale.

Wou sichen?

seloger.comleboncoin.frimmojeune.comLa carte des colocsCROUS

Transport

Vu Lëtzebuerg op Aix: ronn 950 km.

Zuch

ab ~6 Stonnen

Direkten TGV all Dag (ronn 7½ St.), oder méi séier mat Ëmklammen zu Paräis-Est oder Stroossbuerg. Billjeeë op SNCF Connect. D’Gare Aix TGV läit 10 km ausserhalb.

Fliger

~1½ Stonnen

Ryanair vum Findel op Marseille-Provence, ongeféier all zweeten Dag. De Fluchhafen ass 32 km vun Aix: Navette bis op d’Gare routière.

Auto

9–10 Stonnen

Iwwer Metz, Dijon a Lyon. Ronn 70–80 € Péage. Parkplazen an der Alstad si rar.

Covoiturage

WhatsApp-Grupp

Fannt Leit, déi och erop oder erof fueren. Frot eis no dem Link op comite@letzaix.com.

Tipp: Fir 12- bis 27-Järeg lount sech d’Carte Avantage Jeune (ronn 50 €/Joer): bis zu 30 % Reduktioun op d’Zich. Vun der Gare TGV fiert d’Navette (Linn 40) all 15 Minutten an d’Stad.

D’Stad

Aix läit matten an der Provence: 300 Sonnendeeg am Joer a ronn 143.000 Awunner. D’Stad ass kleng genuch fir alles zu Fouss ze maachen, an ass 2026 op der 19. Plaz vun de 50 beschte Studentestied a Frankräich (L’Étudiant).

Ausflich ginn et genuch: Wäibierger, d’Sainte-Victoire, d’Gorges du Verdon, an d’Mier ass an enger hallwer Stonn ze erreechen. 4 Kinoen, 11 Muséeën, de Festival d’Aix (Reduktioun ënner 30 Joer), d’Fête de la musique an am Oktober d’Woch Bienvenue à Aix fir d’Studenten.

Office de TourismeGuide de l’étudiant (Stad Aix)

Eng Ruelle an der Aixer Alstad

Dacks gestallte Froen

Wéi vill kascht eng Wunneng zu Aix?

Tëscht ronn 600 € fir e Studio (T1) an 1500 € fir e grousst Appartement. Eng Colocatioun ass déi gënschtegst Léisung.

Wéini soll ech ufänke mat sichen?

Am beschten am Fréijoer, soubal der wësst, datt der op Aix kommt. Am Juli an August ass d’Konkurrenz am gréissten.

Brauch ech eng franséisch Krankeversécherung?

Als Lëtzebuerger Student bleift dir an der Regel bei der CNS verséchert: huelt är europäesch Krankeversécherungskaart mat. Frot am Zweiwel direkt bei der CNS no.

Wéi kommen ech am beschten vu Lëtzebuerg op Aix?

Mam TGV (ab ronn 6 Stonnen) oder mam Fliger op Marseille. Kuckt hei uewen ënner Transport.

Ka mäin Auto zu Aix bleiwen?

Jo, mee an der Alstad sinn Parkplaze rar an deier. Frot ier der ënnerschreift, ob d’Wunneng eng Plaz huet.

Wéi ginn ech Member vum Letz’Aix?

Schreift eis op comite@letzaix.com oder op Instagram, oder kommt einfach op déi éischt Soirée am September.

Är Fro ass net dobäi?

Schreift eis, mir äntwere gären.

comite@letzaix.com